Pulau

Open Now

Now Closed

又係去中環舊街市食晏嘅日子，兜咗一圈見到好多人都係食緊東南亞菜，特別係海南雞飯。我之前已經食過，雞件確實係幾滑，我朋友就即刻去點餐，個餐仲有油飯同魚丸湯，雞嘅份量都幾多，三款海南雞醬料都好正宗。鍾意試新嘢嘅我，就去蒲蘿度點咗茶熏鴨油飯餐，除咗有碗魚蛋湯之外，佢仲有炸魚仔花生青瓜同埋半隻蛋，原件茶燻鴨胸有淡淡茶香，唔油膩。三個女仔正餐唔食都要食小食，依個鹹蛋黃單骨雞翼，單骨唔會食到周圍都係，鹹蛋黃香味足，三人分享冇顧慮。另外依個胡椒豬肉串真係估佢唔到咁好食，肉棒彈牙又夠味，如果係放工時間，一定要點佢配啤酒。