堅韓牛韓燒放題 (Closed)

今日約咗朋友食飯～但係諗極都諗唔到想食咩🤣朋友就想食燒肉，我又想食韓國菜😂咁我就喺度諗會唔會有一間餐廳兩樣都有得食～點知比我上網搵到呢間堅韓牛😋又可以食燒肉、又可以食韓式小食🍲-一入到餐廳，覺得個環境都算唔錯😌都好有韓國嘅味道🥰既然未有得去旅行～就將呢兩小時當自己置身係韓國啦🤣-呢度除咗有韓燒之外，仲有唔同種類嘅熟食～一個價錢滿足到兩個願望，真係超抵呀😙不過個肚會唔會飽到食唔到就係另一回事啦🙈-韓燒方面，我哋揀咗體驗三國牛肉套餐🐄呢個餐除咗有頂級美國安格斯牛肉放題之外，仲包左三款極上牛肉（日本A4和牛肉眼蓋、澳洲M9和牛西冷同埋韓國腩包肉)，先送上嚟嘅限量牛肉質素十分好，淨係望住佢嘅雪花都已經覺得好好食😋😍除咗限量牛肉之外，其他任食嘅牛肉質素都唔差，食落口都有牛味～仲有豬肉、雞肉、海鮮、蔬菜等等😋-熟食方面：因為太飽嘅關係，我主要就試左幾款～份量都唔少，味道都好貼近韓國食過嘅風味👍佢有得揀小食、湯鍋、鍋飯等等🤣如果全部試哂應該都唔會食得落其他野🙈-甜品有cocoberry雪糕～而飲品除左有比較common嘅罐裝飲品之外，仲有自家制冷泡菜，比較健康🙌🏻