大久保日本料理 (Closed)

個次同朋友睇九點半,來開場仲有個半鐘多d,咁就上去大久保試下啦,個半鐘頭任食乜都夠啦。點知除左開頭個叫個件薄薄既魚生有到之外,我幾乎兩個鐘頭內都食唔到多一件魚生,但係其他cheap 野就全部都來曬,最攪笑係個肥牛煲﹐就只有兩塊肥牛,大量粉絲,點呀,你叫我剩係食麵咩,咁我不如食十蚊雲吞麵,難食,叫十樣都來唔到一樣野食,但咁都唔係最受氣,最受氣係個d待應同經理既態度,好似我殺佢全家咁,叫都唔理妳,我去食飯係為左開心唔係為左鬧人,今時今日咁既服務態度點可以接受架,價錢又唔係收得平,我出去食個自助餐都係差唔多價錢,所以係到同各位奉勸一句..『如果這個世界唔係所有既餐廳都執曬, 就千萬唔好去這間大久保,唔係!我保証你可以極之唔開心一天,一星期,甚至一個月﹗』