胡爐 (Closed)

今日放假同屋企人去咗尖沙咀厚福街打邊爐。今次試吓呢間出名高質素的火鍋餐廳(胡爐），餐廳設計好像西餐廳又有中國色彩，餐枱和座位都具有特色，職員好有禮貌及幫我們介紹不同的菜式。1.招牌鮮椰青雞煲雞煲非常足料，職員首先會上咗個煲之後會幫你炒下雞煲裏面的料，雞煲內有新鮮已切件的雞及椰青肉，少少蔬菜配料，之後就倒啲酒落去炒，🔥FIRE!!! 火焰表演時間，再開一個新鮮椰青將椰青水倒落去，另外加上特濃雞湯再煮湯底，雞件吸收椰青水嘅清甜，湯底清甜濃郁不油膩，超級好飲2.牛拼盤有牛舌，手切牛肉，牛白肉…牛肉好新鮮切得好薄，好容易入口，牛肉爽口，有香濃牛肉味及少少油脂，非常高質素3.餃子拼盤黑松露蟹肉餃有超級香濃黑松露味，裏面餡料好飽滿，鮮蝦雲吞餃非常大件同新鮮，自家製魚皮餃非常大件，魚肉好入味總結：食物高質，特別湯底十分有心思；服務優質；環境有特色；地點方便。