漁道樂 (Closed)

冬天一到，好似食幾多嘢都唔夠，又係時候搵啲好嘢食滿足下個胃，同屋企人去呢間主打吃「磯燒」海鮮既"漁道樂"，食最原味嘅燒海鮮。店入面裝修細緻，天花掛左好多燈籠同酒埕，牆身有好多日本畫，感覺置身於日本中。我地點嘅每樣菜式都高水準，好好味。牛油果軟殼蟹沙律,隻軟殼蟹新鮮炸起，個醬用左黑松露醬，囗味獨特，配埋牛油果粒，第一次甘配搭既沙律，好好味。新鮮刺身片，有三文魚，大蝦，北寄貝，油甘魚，墨魚等等，單看刺身色澤就知道極為鮮味。什錦天婦羅，炸漿合格不厚身，食材夠新鮮，炸蝦夠彈牙鮮味。都主菜出場啦，漁。海鮮盛合，有鮑魚，蠔，扇貝，蜆同魷魚 全部都好新鮮。仲有專人幫我地燒，全部都燒到原汁原味，唔似平時自己燒到亁淨淨。甲羅燒，蟹膏釀滿左蟹蓋，再加咗啲蟹籽蟹肉，香氣不斷翻滾，簡直一流，唔會太漏又充滿蟹香。特選壽司盛合，一次過可以食到八款味道。再黎多個芝士焗龍蝦，師傅將蝦肉起左再放入去焗，真貼心，配埋蟹籽,紅蘿白碎同菇粒，口感層次多，蝦肉夠彈牙。滿足