泰.夯蝦 (諾士佛臺) (Closed)

泰式流水蝦係尖沙咀開店，即刻約埋老婆黎食。餐廳防疫工作做得好好，先量體溫，再噴消毒噴霧，先可進入店內，令到我好安心享用。餐廳環境寬敞，坐位與坐位不會逼狹，而且有幾個流水蝦水道，餐廳安排我地坐流水蝦水道格離，可以邊夾邊燒邊食餐廳除了任夾流水蝦，自助區仲有好多款BBQ食物，海鮮、熟食、炸物、甜品、雪糕，飲品。餐廳先送上鮑魚、宮崎和牛、一大盤大頭蝦，可以慳左D時間，燒住先。鮑魚新鮮，彈牙鮮甜，和牛接近入口即溶。第一次夾大頭蝦，隻蝦都係咁彈，夾多幾次終於知道技巧啦，終於冇彈到周圍都係水，夾完之後就即刻放落冰筒冰暈佢，就可以拎去燒啦。大頭蝦好多都好大隻，有成隻手掌咁大呀，而且仲有超超超多膏，大頭蝦好新鮮，爽口彈牙，點埋泰式海鮮醬，真係一流，我最鐘意鹽燒蝦，損埋蝦殼，好惹味。用電爐燒，電爐有兩層，上面燒海鮮，下面就可以燒BBQ食物啦，2.5小時絕對夠時間食臨走，仲可以拎埋飲品同雪糕走，包你食到飽。