其實之前食過蟹仙其他分店，覺得佢嘅海鮮好新鮮，服務又好，所以今次試吓新蒲崗分店掂唔掂先～
竟然有我最鍾意嘅菜莆
基本嘅調味料
Yeahhhh
我今晚好期待既海鮮拼盤
隻蝦仲識郁㗎
青口同刀貝～
好鮮甜彈牙
鮑魚同生蠔～
蒸生蠔真係麻麻哋好食
可能係我本身鍾意食新鮮生蠔，蒸左之後嘅口感反而覺得怪怪地。
鮑魚好彈牙
雖然兩款蟹同埋一隻琵琶蝦都係得一隻，每人食得半份～但正所謂少食多滋味，重質不重量
三款海鮮入面我最鍾意隻羔蟹！！
係爆羔呀
完全唔想點豉油或者任何調味料！
原汁原味先食到佢蟹肉嘅鮮甜，蟹膏嘅香滑同油香味～～
屋企可唔可以買一個自己蒸呢？
仲有呢個香炸爽脆魚皮
就咁食同埋用嚟送粥都好夾！
全部海鮮嘅精華就落咗喺呢煲粥入面
仲加入左粟米同埋排骨，好甜好綿既海鮮粥底～～
一定要留肚食呀
