很久沒有食拉麵，放工後去中環揾了間拉麵店食晚餐。
🔸招牌原條慢煮豬軟骨拉麵配糖心蛋
店員將拉麵送上枱時，視覺效果超震撼‼️原條豬軟骨竟有手掌咁長。豬軟骨經慢煮後，軟骨腍滑，肉質帶嚼勁，味道鹹香入味。麵的質地爽身彈牙，湯底加咗背脂和雞油，感覺清爽唔膩。
🔸炙燒叉燒沾麵配魚介豚骨湯底
叉燒微微炙燒過，肥瘦適中。溏心蛋呈橙紅色，仲係流心狀態，蛋亦帶點甜味。日本製的蕎麥麵較粗身，質地煙韌，亦都掛汁。魚介豚骨湯底濃稠。
🔸天婦羅豬軟骨
食過天婦羅蝦，天婦羅蔬菜，都係第一次食天婦羅豬軟骨。
豬軟骨外面炸得薄身脆口，而軟骨充滿膠質，口感超腍，配上帶點酸味的沙律醬開胃解膩。
餐廳冇收加一，如果用shopback俾錢，下次仲有10%回贈。
