八天堂 (Closed)

八天堂，出名食包包，點知今次唔係食佢出名既吉士包，而係試佢特長限定-原條鰻魚天婦羅漢堡！oder完返埋位等食，有清水自助形式供應，5-10分鐘左右，熱辣辣既包就送上！薯角配上黑松露沙律醬，個漢堡就原條鰻魚上好震撼，炸得好香，唔油膩又唔乾身，包有蕃茄碎有菜有沙律醬，味道好豐富，好食！本身想試埋佢個咖啡雪糕，但就咁食都好飽食唔落，等下次試埋佢其他熱食，有咖哩同烏冬、茶漬飯好多選擇，試埋佢個吉士包同雪糕先得！