六本木茶房 (Closed)

本身我都係只會參考呢到嘅食評，但經過噚日嘅事，嬲到要即刻登記寫下先，噚日同朋友去試呢間茶房團購嘅high tea，先唔講食物水準，起初個四眼哥哥嘅服務都唔錯，但當嚟左杯玉子雪糕個問題就嚟，我同朋友以為杯甜品係跟埋個團購入面，咁我地食完個前菜沙律同主菜之後先食甜品，杯嘢嚟左都擺左大約五至十分鐘先食，當我食到剩番最後一兩啖嘅時候，有個著深藍色冷衫，直間恤衫蓄馬尾,膚色黝黑嘅女人走埋嚟同我地講，好大聲第一句就話，你地個團購冇玉子雪糕嗰喎，我幫你收起杯嘢先，唔會計你地錢架，之後就拎走個杯，對唔住，唔好意思一聲都冇，或者講句，可能同事搞錯，但佢冇講過，將個責任推哂落個客到，食左一杯唔屬於團購入面嘅食物就係我地錯，周圍嘅客亦望住我地，令我地非常尷尬，好似我地食完唔認賬，我真係想知，個女人係唔係期望每位客人要清楚記住團購入面嘅食物？係唔係餐廳方面冇責任？之後我地話要搵經理投訴啱啱個女人嘅服務態度，點知原來蓄馬尾嘅女人就係經理，原來一個經理嘅服務態度咁‘高‘水準，指責完啲客人之後走過嚟講句唔好意思拍拍屁股就走，跟住仲要講，得啦，我最多唔會計埋杯嘢落張單到，我同佢講，你唔好唔計喇，我唔想俾人屈食霸王嘢唔