賞茶 (黃大仙中心北館) (Closed)

食完野就梗係周圍行下啦，朋友話口渴要去買野飲，黃大仙呢個商場好似無乜飲品店？行左個圈都無乜特別野揀，咁就去連鎖嘅賞茶啦，飲過幾次都ok嘅。門口已見超多人等緊，除左賣飲品，呢間分店仲有粉麵飯賣，但店超細，要等位絕對不易。飲品就出得好快，落完order十分鐘內已經有得攞。自己點左307茶皇走甜，天x個913就飲得多，賞茶個307未試過就試下佢先。茶好香好濃，有點甘苦呢，飲多幾啖啲茶更香，茶韻留在口中久久不散，愛濃茶人仕會喜歡的口味，而且個人喜好茶飲不加糖，呢杯好啱口味。朋友杯芝士奶蓋紅茶，奶蓋厚滑香甜，甜度適中，茶底也很香，但朋友嫌茶太濃有點苦。價錢屬公價，間間飲品店都差不多呢個價位。