18巷泰國餐廳 (Closed)

放工鬆一鬆，今晚同朋友們試吓泰北菜。泰北菜與一般在港食開果啲泰國菜相比，會比較家庭式及平民化。除左本regular menu,枱上仲有張介紹螞蟻蛋的菜單。聽到個名覺得有啲驚嚇，乜螞蟻蛋食得架咩 🤔 有朋友試過，話似日本菜的蟹籽，於是即管叫黎試下。螞蟻餅 $168睇菜單才知道螞蟻蛋的蛋白質是雞蛋的38倍，營養價值豐富，仲有美顏功效。螞蟻餅賣相似蠔餅，很有蛋香。螞蟻蛋比蟹籽大粒，口感爽口。如果不是看了餐牌，也不會特別留意到螞蟻蛋。泰式燉花膠 $398連續加班左一個禮拜，當然要點補吓。以沙煲上的燉花膠湯入口充滿膠質，花膠份量多，仲有啲厚冬菇，感覺滋潤。怕靚牛尾 $188咖哩汁有椰香，牛尾燘得又腍又入味。伴碟的蒜蓉包香脆，沾咖哩汁一起吃好夾。酸辣汁原條蒸魚 $208魚肉嫩滑，很喜歡其酸辣汁。餐廳侍應好細心，當我地食左一陣後，過黎幫我地起左中間條大魚骨👍泰式香芒椰汁糯米飯 $78以泰國芒配上黑白雙色糯米飯。個人偏愛白色糯米飯，因為味道較像在曼谷食果啲。總括而言，餐廳卡座舒適，而且服務態度良好，泰北菜有特色，會再光顧。