裕富小廚 (Closed)

  之前兩次下午嚟裕富小廚都閂咗市，今晚十點嚟到，終於見到佢做緊生意。見舖入面唔大，都幾多人，門口路邊仲擺咗幾張檯仔，但天氣太熱，都係外賣算啦！買咗2碟鵪鶉蛋燒賣，@$18 每碟有3件，鵪鶉蛋下面嘅燒賣餡好正，有好多蝦同瘦肉，d蝦又爽口，完全唔覺油膩，太好味！懷舊大包，$17 嘩！竟然比我見到失散多年嘅大包，當然唔會放過啦！ 真係冇想過個大包大到咁！不但夠多料，有蝦、鵪鶉蛋、豬肉、雞肉、火腿、草菇等等，仲好好味呀！點心新鮮熱辣辣出爐，己經係皇牌啦！食過之後，終於明白點解裕富咁多人幫襯。