一鳴燒 (Closed)

今日有個朋友生日，諗住同佢慶祝，於是去一鳴燒，最近去過一次，嗰度傾計唔錯，又唔嘈，坐得舒服，落單點咗幾個小食，梗系要點D必食既啦，甲羅燒，明太子雞翼，煙肉茘枝卷，味道一流，保持水準，既然係朋友生日。想叫個甜品同佢慶祝。點知店鋪無甜品，失望之餘。個店員同我哋講。有一樣嘢可以代替甜品慶祝。原來系玉子燒。喺玉子燒上邊原來可以寫生日快樂。出嚟嗰時候個效果非常好。我朋友十分之喜歡。佢話今次係一個難忘嘅生日。