假日晚上，周圍嘅人潮熙熙攘攘，但竟然發現一間完全無人排隊嘅餐廳，入面坐滿咗九成空座😵💫
見佢裝修得幾特別，菜單又幾吸引，我心諗既然唔使排隊不如就入去試吓伏🤭
➢ 🍛 海鮮龍蝦汁意大利飯 $𝟽𝟾
龍蝦汁好香濃，海鮮方面有蜆、青口同埋帆立貝，飯唔會太硬，味道都好入味👍🏻
➢ 🍝 煙肉白酒鮮蜆闊麵 $𝟾𝟻
好足料，意粉帶有濃濃蛋味，原本應該好味嘅，但煮出嚟成碟都無味，完全冇汁，食落去好乾💔
煙肉淺色，似係就咁整熟咗或者預製咗咁，冇煎過，好入味嘅但食落去好腍，真係少咗啲驚喜🥲
➢ 🍗 蜜糖芥末雞中翼 $𝟹𝟾/𝟻隻
一上檯新鮮熱辣，就咁食已經好好味，加埋蜜糖芥末醬，味道更加清新👍🏻👍🏻
📍itamama
馬鞍山鞍祿街18號MOSTown新港城中心(4期)2樓2141號舖
