三姐松記糖水 (Closed)

20/7 夜晚同男友去完黃金買野就唸住試下松記, 去到唔駛等位大把枱, 望到啲圖好靚好想樣樣都叫晒黎食, 開頭唸住叫芒果腸粉既, 但最後叫左個什果河粉同埋紅豆涼粉, 好快就有得食啦, 紅豆涼粉好大碗呀, 啲紅豆超多呀, 而什果河粉亦都好多, 由於之前食左晚餐, 所以啲河粉我食唔晒, 最搞笑係啲河粉上面灑左啲芝麻喺到囉, 感覺唔錯呀~價錢方面都唔算太貴, $16-20, 最緊要係份量多囉~!雖然呢間係三姐松記糖水, 並唔係真真正正既松記糖水, 但都不過不失既!