1
男友第一時間話試下佢個杏汁豬肺湯，湯色澤奶白，豬肺大件新鮮，杏汁味道還好不太超過，不錯的。
煎蠔餅我幾鍾意❤️蠔仔都幾脹卜卜，成塊pizza咁，已切好一件件，邊邊位幾酥脆，而中間位置煙煙un un，口感係我鍾意的。
白灼鵝腸幾爽口，帶有少少肥，所以幾香，份量都足夠。佢有醋同辣油比你點，我就覺得醋會更吊到味，辣油相對黎講無咁香。
滷水鵝（下裝）係有咬口既鵝，但又唔會話咬唔開，肉質係有彈性，皮同肉唔會話分開，個人覺得做得都ok。
呢個牛肉調味都可以，口感可以，但唔見有酸椒🤔不過不失，唔算特別。
瑤柱蛋香炒飯就真心有少少驚喜，飯粒分明彈牙，咸咸香香，飯上面炸過既瑤柱絲令個飯口感更豐富，所以我平時好少食飯都食左兩碗👍🏻
