魚米 (Closed)

諗住入去魚米食豬軟骨湯米線，點知見到原來豬軟骨可以撈烏冬，咁就試下新食法，撈烏冬啦。豬軟骨之前已經食過好多次，煮得非常之軟身，骨都係軟綿綿一咬即斷，好似牛筋的柔軟口感，豬肉唔會太肥膩，只有少少肥膏，加上煮的時候有加入果醋，所以食落會有少少甜甜酸酸的味道，令到好多時食落只有鹹味的豬軟骨，味道層次豐富左，而且果醋可以中和豬軟骨的飽膩感。個汁撈烏冬好好味，每條烏冬都可以均勻地黏到醬汁，軟硬適中的口感非常好。