唔好睇佢店仔細細，但原來都幾多選擇吓！
咁今次就簡咗個常餐【手打蝦餅拼雞小腿飯】$42+$7凍飲🥤
個手打蝦餅真係好好食😋咬落去係有少少爽嘅口感，味度都唔錯！
至於雞小腿就有3隻，雖然望落細細隻，但其實都幾多肉，調味都啱啱好❣️
至於我同事就叫咗個【馳名檳城亞參叻沙米線🍜】$48
我見佢果個咁吸引都痴咗幾啖嚟食🤣
佢個湯頭極之濃郁，少少酸辣咁好惹味😋
相信係用咗秘製叻沙醬整，隻味出面好少有！
而配料亦都好豐富！有蛋、有蝦、有魚蛋等等..！
啲蝦好爽口❣️
另外+$10馬拉特飲【桔仔柚子蜜】
咁飲品我就無痴嚟飲嘅🤣不過問返同事，佢話酸酸甜甜咁好開胃！
而且桔仔有豐富嘅維生素，都不失為一杯健康飲品！
我諗我下次食都會想試吓佢哋嘅特飲🥰
Lunch都可以食到咁平又咁好食嘅馬拉菜真係好開心，好多選擇都只係$4x–5x，真心好過食茶記！推薦推薦比大家❣️
