坐低開完茶，望下張點心紙，以為自己眼花，竟然有唔過十蚊一碟嘅點心，唔怪之得，入座無幾耐，已經要排隊。
蘿蔔糕三件$7，手快快食咗一件至影，味道同質素都不俗。
榴槤酥，有啲似放提果啲炸榴槤咁，係面頭層酥皮唔同。
奶黃包，賣相精緻，內涵正常。
1
唔想一樣樣寫，簡單啲～鳳爪$7碟，正常size,，咁嘅價錢真係扺，其他以牛肉腸粉，鮑魚燒賣、韭菜餃較好，乳鴿稍「乾」，其他正常水準。
埋單$402（4個人）
回頭度～8/10
以呢個價錢、環境同食物質素味道，可以算係中上，仲要位置在尖沙咀呢個地方，真係值得推介。
以上純粹個人食後分享，本人絶無收受任何利益同優惠，亦願意承擔所有責任。
