壹壹漁一 (Closed)

有日無意中留意到呢間餐廳幾抵食 可以以一個非常優惠價食到酒店裡既食物所以有日就帶同朋友黎試試晚餐餐廳環境寬敞 同朋友黎暢談一流今餐早左黎 所以可以享受包場既樂趣開始前先自行混醬叫左二人餐 先上沙律沙律非常大碗 特別在於無落任何沙律醬 而係用上櫻花蝦 令到平淡既沙律菜有陣陣海鮮香味 而且櫻花蝦數量都多 絕對夠味之後有小食三款： 炸蝦，炸魷魚，七味燒魚翅 前菜黎講叫得上相當豐富！個人最欣賞炸魷魚，一d油膩感都無而且舊舊肉都好大份～燒魚翅都唔錯 燒得乾身 餸酒一流主角上場了 豆腐湯底配牛肩肉同豚肉 肉類相當新鮮 特別牛肉肥脂分佈平均 紋路清晰！蔬菜籃份量多而新鮮 單係菜已經有三款因為前菜太豐富關係 所以到最後都食唔曬 不過以酒店二人餐黎講 又有好服務 呢個價錢相當合理！