130
10
11
Level1
1
0
年廿九唔係間間餐廳開,咁諗起沙田陳鵬鵬平時都有食過,就同屋企人話不如團年飯嚟呢啲食啦。嚟到見到過年有套餐食,但係係按位計,每位$188咁,我地一共有四位,咪嗌四位份量嘅套餐。點知一上到枱,已經見中伏啦,我地四個人份量嘅滷鵝拼盤,盡然係同隔離枱三人份嘅係一樣???我地即刻搵侍應嚟攞去問廚房,廚房話出錯餐,跟住求其切嚿魚片補返數,就攞返上嚟。喂,唔係呀?畀多$188食多一個人份量,拼盤就係多嚿魚片呀?就算滷鵝唔補啦,連滷蛋都唔補多嚿呀?於是我地去問著西裝嘅唔知係咪經理啦,攞去廚房問「你地四人份量嘅拼盤就係比三人份量嘅拼盤多嚿魚片呀?」,呢個時候廚房佬反口啦,話出嘅就係四人份量嘅餐,唔會補畀我地。原來咁嘅玩法都得,既然四人份量套餐嘅菜量同三人份量係一個size,咁你地憑咩收我$188×4=$752?原來食嘅嘢同人地畀$188×3=$564係一樣嘅,咁你地明掠我$188咋喎。咁我地問個唔知係咪經理嘅西裝友啦,如果第一道菜已經係咁,咁你地保唔保證到之後我地四人份量套餐上嘅菜,係應該比起隔離枱三人份量嘅多返三分之一?原來都係話保證唔到,廚房話係咁就係咁。嘩,原來呢間店啲定價同份量冇標準架?即係要我
Read full review
年廿九唔係間間餐廳開,咁諗起沙田陳鵬鵬平時都有食過,就同屋企人話不如團年飯嚟呢啲食啦。

嚟到見到過年有套餐食,但係係按位計,每位$188咁,我地一共有四位,咪嗌四位份量嘅套餐。

5966 views
23 likes
0 comments



點知一上到枱,已經見中伏啦,我地四個人份量嘅滷鵝拼盤,盡然係同隔離枱三人份嘅係一樣???

我地即刻搵侍應嚟攞去問廚房,廚房話出錯餐,跟住求其切嚿魚片補返數,就攞返上嚟。

喂,唔係呀?畀多$188食多一個人份量,拼盤就係多嚿魚片呀?就算滷鵝唔補啦,連滷蛋都唔補多嚿呀?

聲稱係四人份量,但同隔離枱三人份量size一樣嘅「金獎滷鵝拼盤」。
390 views
0 likes
0 comments


於是我地去問著西裝嘅唔知係咪經理啦,攞去廚房問「你地四人份量嘅拼盤就係比三人份量嘅拼盤多嚿魚片呀?」,呢個時候廚房佬反口啦,話出嘅就係四人份量嘅餐,唔會補畀我地。

原來咁嘅玩法都得,既然四人份量套餐嘅菜量同三人份量係一個size,咁你地憑咩收我$188×4=$752?原來食嘅嘢同人地畀$188×3=$564係一樣嘅,咁你地明掠我$188咋喎。

咁我地問個唔知係咪經理嘅西裝友啦,如果第一道菜已經係咁,咁你地保唔保證到之後我地四人份量套餐上嘅菜,係應該比起隔離枱三人份量嘅多返三分之一?原來都係話保證唔到,廚房話係咁就係咁。

嘩,原來呢間店啲定價同份量冇標準架?即係要我地食客硬食啦。

最後問埋staff,如果五位、六位嚟食你地呢個三位起嘅套餐,你地係咪又諗住淨係上呢一碟拼盤打發人?又係回應唔到。

定係其實你地expect,年廿九我地一家人團團圓圓嚟食餐飯,反而應該分開兩枱食先有得唔會中你地嘅伏?

最後我地決定唔食了,你地留返個三人份量嘅套餐畀啲四人五人六人客啦。

新年流流要人地食餐咁唔開心嘅飯,最識做生意真係非你地莫屬。

73 views
0 likes
0 comments

(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2025-01-28
Waiting Time
90 Minutes (Dine In)
Spending Per Head
$188 (Dinner)
Celebration
New Year's Eve