Video
Read full review
2008-03-24
36 views
上星期食完樓下間上海菜, 覺得好唔錯, 今日一行4 人訂了8:30pm 檯, 試試呢間客家菜. 0黎到好驚訝點解人客咁少, 事關係星期日0既尖沙咀, 但坐低見到檯面的濕紙巾寫住「稻香集團」, 再食完4 人套餐之後, 終於明白:- 東江鹽罉雞(半雞): 全晚最好食的一碟, serve 時用鐵鍋載住, 夠晒熱... 雞皮薄薄的, 食落鹹香, 雞胸肉好0鞋不過都有新鮮雞的味道, 雞翼部分就好正; 蘸埋另上的沙薑汁, 都幾好食, 不過我覺得泉章居的同類出品比佢好食5 倍.- 自選小菜#1 蟹肉桂花炒粉絲: 被賣相嚇窒了, 我見到第一個反應係「0下? Chinatown 炒雜碎???」... 阿媽幾欣賞佢炒得夠乾身, 我則覺得佢好唔掂, 係幾夠乾身, 但食落係完全無味0既, 加上佢又無蟹肉, d 蛋又炒得太老, 我本身又幾唔鍾意大豆芽菜, 個人覺得呢碟係全晚最唔好食的一碟.- 自選小菜#2 帶子蝦仁燴蛋白: 又係賣相嚇窒菜色, 不過既然係「燴」的, 芡汁勁杰在所難免... 蝦仁/ 帶子/ 切粒翠玉瓜/ 紅蘿蔔/ 蘑菇乜都有d, 底下就係薄薄一層無味但幾滑的蛋白, 食落除0左爽爽0地同「芡汁味
- 東江鹽罉雞(半雞): 全晚最好食的一碟, serve 時用鐵鍋載住, 夠晒熱... 雞皮薄薄的, 食落鹹香, 雞胸肉好0鞋不過都有新鮮雞的味道, 雞翼部分就好正; 蘸埋另上的沙薑汁, 都幾好食, 不過我覺得泉章居的同類出品比佢好食5 倍.
- 自選小菜#1 蟹肉桂花炒粉絲: 被賣相嚇窒了, 我見到第一個反應係「0下? Chinatown 炒雜碎???」... 阿媽幾欣賞佢炒得夠乾身, 我則覺得佢好唔掂, 係幾夠乾身, 但食落係完全無味0既, 加上佢又無蟹肉, d 蛋又炒得太老, 我本身又幾唔鍾意大豆芽菜, 個人覺得呢碟係全晚最唔好食的一碟.
- 自選小菜#2 帶子蝦仁燴蛋白: 又係賣相嚇窒菜色, 不過既然係「燴」的, 芡汁勁杰在所難免... 蝦仁/ 帶子/ 切粒翠玉瓜/ 紅蘿蔔/ 蘑菇乜都有d, 底下就係薄薄一層無味但幾滑的蛋白, 食落除0左爽爽0地同「芡汁味」之外, 無其他味. 另外不得不提, 食食0下食到一隻菇又酸又「叔」, lur 都lur 唔切. 唔掂!
- 自選小菜#3 米湯海味浸娃娃菜: 娃娃菜唔腍, 食落一般甜;「海味」係切絲魚肚, 魚鰾及蝦乾, 仲有切絲冬菇, 味道ok; 反而d「米湯」(即係好有營養0個d「粥水」?) 好正, 鮮甜又唔覺有人造味精, 結果食到最後d 湯由我「包底」飲清光=P
- 客家濃燉湯: 係茶樹菇(?) + 粟米+ 雞的湯, 飲落好住家湯0既感覺(特別因為屋企成日煲=P), 清清0地, ok 啦.
- 清蒸海上鮮: 即(魚立)魚一條, 一般鮮味, 亦蒸得幾老, d 肉好0鞋; 蒸魚豉油無乜味, 得個「油」字, 幾唔好食.
- 白飯: 用缽仔載住, 乾身, 食落幾硬, 不過無米香, 唔太0岩口味; 中間又有幾粒無味粟米整色整水, 都幾古靈精怪.
- 小金絲芒果凍: 即「多形狀有餡芒果大菜糕」... 阿姐見我幫呢碟甜品影相, 好amused 咁用tum 小朋友的語氣(!?!?!?) 話「係咪好靚呢, 要幫佢影相!」, 仲解釋了一輪「仲有其他形狀0架!」, 真係哭笑不得... 用筷子(而唔係叉/ 羹!) serve 的, 一夾即爛, 唯有一啖塞晒成件入口. 芒果味好假, d 餡則帶澀, 唔通係柚子皮?
環境ok, 裝修幾靚, 不過冷氣好大, d 0野食又差不多一次過0黎晒, 搞到d 0野食凍得好快, 都幾無癮; 招呼一般, 阿姐們快手快腳, 不過有佢講無你講的, 態度麻麻.
埋單約$105 一個頭, 唔貴, 但係典型稻香質素, 幾唔好食, 試過就算了.
P.S. 味道3 分及OK 面係俾隻雞同d 米湯的, 其他值0 分, 而且喊到我阿媽都唔認得!
Post
