LIFETASTIC Patisserie (Fashion Walk)

Open Now

Now Closed

我以為每一間分店一樣，都只係買蛋糕，原來呢間都有堂食，仲有set lunch，唔知星期六日有冇呢？不過今日係平日。一共嗌咗兩個set，每個set都有送一件蛋糕，所以覺得性價比都幾高如果鍾意忌廉湯嘅朋友，呢個忌廉都幾濃，唔係啲Hea湯，黑松露意粉幾好食，佢嘅意粉質素都還好，唔係腍嘅意粉。另外叫咗個溫泉蛋蟹肉意粉，可能食咗黑松露意粉先，覺得呢個意粉相對下就冇咁吸引同埋濃味。最後每人$110埋單，包一個湯，意粉，咖啡，蛋糕，連埋+1 ，喺銅鑼灣食飯，我覺得還好嘅。不過佢真係唔夠人手，服務員喺午飯時間，都真係好忙，有啲唔係好應付得來。