夫妻沸片-台式麻辣火鍋 (Closed)

之前以為剩係得打邊爐，原來仲有拌麵同車仔麵。想滋保養顏嘅我揀左美容養顏花膠雞濃湯拌麵，雞湯非常之香濃，入邊仲有成隻雞髀，拌麵係微辣嘅，麻辣味好香，仲有鴨血同豆腐，非常入味。而我朋友就揀咗麻辣湯底嘅車仔麵，有好多唔同嘅餸可以選擇，是每一碗車仔麵已經送咗鴨血、豆腐、米血糕，麵條係手工麵，好有彈性，而每樣嘅餸都好足料，叫四五樣已經滿一碗。仲叫咗兩個小食，黃金炸魚皮同拍青瓜雲耳，魚皮即叫即炸，加埋鹹蛋黃醬，我相信個個都鍾意食，而青瓜雲耳非常爽脆，特別解膩。