La Postre (厚福街) (Closed)

芸芸眾多歐洲菜式中，西班牙菜長居我心目中第二位（no.1 是意大利菜🤣）。 今次黎到厚福街搵食，位於 H8 地下的 La Postre 主打西班牙菜式，除左 Tapas 外，仲有西班牙乳豬，西班牙海鮮飯，各款意粉等大量選擇。適逢母親節前夕，餐廳推出$538二人餐，食物種類多元化，我地兩個人仲加多左一份 Tapas 過下癮。 西班牙辣椒仔配蕃茄多士$36/兩件辣椒仔好大隻，用海鹽烤過，好香口，配蕃茄蓉多士有一份清新感。 傳統西班牙蛋餅味道唔錯，蛋和薯仔一齊食好夾，但係唔夠熱，失色左少少。 黑毛豬火腿可樂餅初頭以為好似日本可樂餅咁大大塊，點知原來係一口size ，味道不過不失。 黑松露蘑菇湯好香松露味，好creamy，飲完飽左3成😆 煙三文魚凱撒沙律驚喜！好開胃，沙律菜，車厘茄好新鮮。有3大片煙三文魚，麵包粒仲脆，有大量煙肉，9秒9清哂！ 黑松露鮮蝦忌廉意粉好好食，意粉比較粗身，配埋蘑菇，青椒紅椒絲，好有咬口。有5隻大蝦，蝦肉結實，煎香後好香口。最欣賞忌廉黑松露醬，意粉全部掛哂汁，好滑超邪惡😈 12 小時慢煮傳統西班牙乳豬 伴焦糖菠蘿 +$98呢款主菜要加$98 ， 我地當日係衝住西班牙乳