近排開咗不少串燒,價錢平嘅可能吸引好多新客.但質素好，燒得好味嘅唔係間間做到!估唔到厚福街商業大廈內隱藏優質之選，地方細細卻吸引到不少熟客仔～
當日叫咗五六款食物全部都在水準之上，有d驚喜！牛舌必叫！非常嫩腍，厚身同時有肉汁！
清酒煮蜆每隻蜆粒粒飽滿，而且湯底清甜，又唔會剩係得鹹味.韭菜腐皮角非常特別，三角形腐皮燒得香脆內裏包着滿滿韭菜，香氣甚濃比較少見又惹味！
鵝肝多士好大件！油潤又無根！雞皮蝦表皮香脆充滿雞油香氣而且內裏蝦肉紮實新鮮！
真心整體都比預期好！
本身仲想要白鱔同燒生蠔～但生意太好，九點已經好多熱門款式售完～期待下次再試！
