Daikiya Japanese Restaurant

今日難得一日入到沙田搵吓有啲咩食，咁啱有幾樣野都好想食就去咗食放題 揀左大喜屋

午市價錢一定平過晚市 所以幾抵食
入到去坐低 2個人都係坐4人枱 坐得闊落夠舒服
呢度係咪QR code落單比劃紙仔實在好太多 又唔會漏單

揀左三文魚 劍魚 油甘魚 蝦 象拔蚌
睇樣都見到算新鮮 尤其魚生係厚切 呢樣要讚
魚生都食左2轉

燒身 炸身 西京燒都唔錯 魚有油香
羊架就正常

炸物食左雞翼 蠔 個蠔有驚喜

鍋物都唔錯 食得太多刺身要返d熱野

除咗罐裝 支裝飲品之外仲有果汁清酒梅酒

當然唔少得甜品同雪糕