元朗冰室

Open Now

Now Closed

今日嘅午餐係厚切豬扒烏冬+熱奶茶（$51)落咗單唔使5分鐘之後就上枱。厚切豬扒烏冬：雖然叫厚切豬扒, 但都係比平時厚少少，略為失望。切嗰陣都感覺要啲力先可以切開，而且食落都比較乾。味道都冇咩特別，都係用返平時醃肉嘅普通調味料。烏冬亦係普通嘅包裝烏冬,再加埋唔係人人都鍾意食嘅三色豆,我覺得不如正正常常落返條菜仲更加好，湯底係開稀左嘅金寶忌廉雞湯，普普通通咁啦。熱奶茶反而幾好飲，奶味同茶味平衡得啱啱好，又唔會太澀口。