Video
Read full review
2022-05-31
1170 views
上星期三拎左半日假同朋友去旺角行街，我地左睇右揀咁行到入夜。本來打算去港島區食晚飯，但由於有啲夜既關係，我地就喺附近覓食 😋原本諗住喺MOKO 既food court 快食，但行到入面竟然見到裝潢精緻既日本燒肉餐廳，於是就決定入去試下。餐廳除左提供高質燒肉同埋壽喜燒之外，亦都有不同款式既丼飯同小食。值得一提既係，如果食客買外賣去店外既food court進食，可以免加一 👍🏼我同朋友最後點左一set 特上燒肉拼盤同埋兩杯飲品，不久店員就為我地送上燒肉所需既用具，例如燒肉鉗、圍裙同埋濕紙巾等等。特上燒肉拼盤套餐 $498特上燒肉拼盤套餐包括美國頂級牛小排、日本上州A5和牛肩胛、澳洲M7牛腰脊心、美國安格斯西冷、牛舌、野菜拼盤、清酒煮蜆、自家製泡菜、白飯同味噌湯，真係份量十足。餐廳既自家製泡菜同平時食開既韓式泡菜有明顯既分別，自家製泡菜味道更濃郁，微辣且帶點酸，口感爽脆。特上燒肉拼盤當中，我地最中意日本上州A5和牛肩胛，因為佢充滿油花而且肉質鮮嫩。由表面既紋理可以見到佢油脂分佈均勻，稍稍燒過之後入口即化。另外，厚切牛舌都好有驚喜，食落有嚼頭又彈牙，口感一流。野菜拼盤賣相非常精緻，內有香菇🍄
原本諗住喺MOKO 既food court 快食，但行到入面竟然見到裝潢精緻既日本燒肉餐廳，於是就決定入去試下。
餐廳除左提供高質燒肉同埋壽喜燒之外，亦都有不同款式既丼飯同小食。值得一提既係，如果食客買外賣去店外既food court進食，可以免加一 👍🏼
我同朋友最後點左一set 特上燒肉拼盤同埋兩杯飲品，不久店員就為我地送上燒肉所需既用具，例如燒肉鉗、圍裙同埋濕紙巾等等。
特上燒肉拼盤套餐 $498
特上燒肉拼盤套餐包括美國頂級牛小排、日本上州A5和牛肩胛、澳洲M7牛腰脊心、美國安格斯西冷、牛舌、野菜拼盤、清酒煮蜆、自家製泡菜、白飯同味噌湯，真係份量十足。
餐廳既自家製泡菜同平時食開既韓式泡菜有明顯既分別，自家製泡菜味道更濃郁，微辣且帶點酸，口感爽脆。
特上燒肉拼盤當中，我地最中意日本上州A5和牛肩胛，因為佢充滿油花而且肉質鮮嫩。由表面既紋理可以見到佢油脂分佈均勻，稍稍燒過之後入口即化。另外，厚切牛舌都好有驚喜，食落有嚼頭又彈牙，口感一流。
野菜拼盤賣相非常精緻，內有香菇🍄、南瓜、蘆筍、茄子🍆、日本甘薯🍠同粟米🌽等，可以幫助去除燒肉既油膩感。
清酒煮蜆散發出陣陣酒香，配埋清新既檸檬同埋蔥花，香氣四溢。餐廳選用既蜆都大大隻又新鮮，蜆肉清甜爽口。
我地既策略就係先調較中細火，然後將蔬菜放喺爐邊慢烤，而和牛就集中喺中間，每面大約燒數十秒，又快又好食~ 🔥🥩🥓
飲品方面，我點左一杯熱柚子蜜，而朋友就點左一杯凍熱情果菠蘿梳打🍍🍸。熱柚子蜜好濃味，潤喉暖胃。熱情果菠蘿梳打就十分清新，消暑解渴。整體黎講，餐廳氣氛同食物質素都好唔錯，我同朋友都食得好盡興。果然係高質既和牛燒肉! 🇯🇵🐮
Post
