鋒膳

Open Now

Now Closed

又再食鋒膳了!早排食完, 念念不忘, 於是帶屋企人去再食。今次自己自由發板點菜。先來一道湯, 今次我選了鵲鴝羹。望落去似碗仔翅, 但你一飲落去, 已經知道係比碗仔翅勁十倍的湯羹。首先, 鵲鴝似比一般瘦肉鮮甜, 而且絕不「鞋」口。個味道完全無味精, 亦無須加胡椒粉。接著就是我最期待的叉燒。望落去係厚切, 正常人一定怕佢又韌又老。但因為呢度係用左日本黑毛豬去整叉燒, 加上甜道剛好的蜜糖, 一咬落去, 既有口感但係又好淋身, 非常鬆化。黎度鋒膳, 叉燒真係佢地的必點菜色, 永不失望。然後朋友叫左四件帶子米通。用上鮮甜的日本帶子, 煮到七成熟。個種帶子的肉汁加上醬汁, 落入墊底的米通, 又軟又脆的口感好有趣。然後來了一道原本我唔食的菜式-香炒魚標。因為呢度菜原本係有些少辣, 我係唔食辣的。但一黎到, 就好香, 令我不禁要試一試。食落去, 原來完全唔覺辣, 仲有香料味。而魚標亦炒得好好, 好有口感, 又唔覺得有腥味。最後, 主食係滑雞煲仔飯。同上次一樣, 有飯焦, 夠香, 但唔夠特別。