竹串日本料理 (Closed)

朋友響銅鑼灣返工... 推介新開張呢間竹串，魚生刺身新鮮，串燒都好食... 一於跟佢去試一試... 前菜有醋沙律同埋海帶～主菜上枱，不禁嘩咗一聲... 果然冇介紹錯，響銅鑼灣區、100蚊唔使，有咁大碗海膽雜錦刺身飯，帶子、吞拿魚、三文魚件件厚切，仲有蝦刺身同埋鮮甜海膽，樣樣新鮮～由心裏面笑咗出嚟～侍應重點推介，串燒套餐，話雖然刺身飯新鮮，但係其實呢間餐廳主打串燒...看似平凡嘅串燒套餐，睇得出店家選材好有心思，蔬菜同埋肉比例平均...同樣燒得出色香口～牛舌係厚切，厚切而又做到表面香脆入面軟淋淋，濃濃牛香～跟餐仲送雪米糍，大滿足～🤗