新華茶餐廳

Open Now

Now Closed

今日1早飲完茶， 剪完頭髮差唔多2點幾，又係時候食下午茶。 最愛既茶餐同蛋撻等緊我地。我地2個人叫左差唔多4樣野食， 真心有d誇。先黎左個沙爹牛包， 係公仔麵里面個個沙嗲， 但因為公仔麵有湯， d沙嗲會咸d。 個個包係外脆內軟， 仲有牛油香， 真係好好食。再黎蛋撻， 係牛油皮，上黎仲暖架， 有蛋香， 真係舊式茶餐廳先會有。我地有叫茶餐， 個沙嗲牛公仔麵係福字麵， 沙嗲係濃味，牛肉都好幾塊， 好味。個火腿炒蛋好滑， 火腿咸香。奶茶就普通。最後又叫左卷蛋， 我叫錯左做蛋卷， 個侍應哥哥笑我幾下，但warm好有人情味。佢話我可以叫卷蛋或者瑞士卷都1樣。 個卷蛋奶油係咸咸地， 襯返個蛋糕既甜味， 唔會太膩。