古今二 (荃灣千色匯I) (Closed)

第一次試食古今二，今次叫外賣嘅，外賣就有九折。店員好好，叫我地入去坐住等。叫左個雞扒飯，呢個可以揀配炸蝦卷/三文魚卷/加州卷，今次揀左炸蝦卷，雞扒份量都好多，而且個底都有汁。另外有少少沙律。呢個便當餐都抵食。之後叫左兩個卷物加麵嘅餐。因為太肚餓，所以唔記得左單獨影低個卷物。呢個係醬油烏東，湯底ok，不過就咁飲會偏鹹。麵嘅份量比較少，呢個餐男仔食應該會唔夠。卷物都有好多選擇，兩個餐都揀左金龍卷（三文魚加炸蝦）呢個好味同埋費城卷（三文魚加芝士加牛油果，呢個覺得麻麻地。不過三文魚冇咩味。不過好嘅係佢外賣個麵同湯係分隔開。