五代同糖 (Closed)

上星期有晚夜班臨放工之際,同T工友兩個突然湧起食甜品0既念頭~即刻OPENRICE一下,睇下附近有乜好地方~最後揀左"五代同糖"...點左一個OREO木糠布甸&一個心太軟配雲呢拿雪糕~OREO木糠布甸先到, 印象中食過0既木糠布甸都係奶黃色,呢個就一層黑一層"白",味道同食一塊塊0既oreo餅差不多~ 但係...可能係雪得太凍的關係...個布甸中間好似起左冰咁...入口即溶...只可以講...感覺唔似食緊木糠布甸....食完個木糠布甸...等左一陣心太軟先上~外層焗得脆...但好似過左少少火,乾身左d~ 內層流心充足,可惜朱古力味道唔夠濃...有趣0既係...雲呢拿雪糕...好似冇雲呢拿味...食左都唔知佢係咩味~總括: 冇乜驚喜,一試無妨~