有時想笑下就去燒蝦蝦，入到去屯門唔識路真係好難搵嘢食，唯獨是呢間專食流水蝦嘅餐廳特別多人，原來佢哋用一個勁優惠嘅價錢就可以任食流水蝦同埋好多海鮮小食。
呢度啲蝦好新鮮全部都彈彈跳跳，
職員教我地拎啲冰同水浸住凍暈啲蝦，真係覺得有啲殘忍。
雖然係任食，但係食左8至10件之後都開始飽飽地，開始轉攻其他海鮮🦞，呢度嘅海鮮真係包羅萬有！蜆、蠔、鰻魚同鮑魚等，種類非常多，
真係冇諗過咁嘅價錢咩都有得食，性價比10分高。
呢度竟然仲有倉魚食，仲要係黃立倉，我超鍾意食！但出到去領取食物處已經食淨最後一條😂
燒緊海鮮嘅同時如果太肚餓，出邊都有啲熟食，我就食咗麥樂雞同埋泰式魚餅填一填肚先！另外仲有湯水同糖水，真係咩都有，好誇張。
食到有啲口渴出邊仲可以沖熱茶飲，自行調配嘅花茶特別心花怒放！另外仲有唔同嘅罐裝汽水同免費添梅酒日本酒等等。
最後當然要食埋條雪條先走，淨係甜品貴嘅雪條種類都有成10款，真係唔使擔心無款啱你心水。
