六安居

Open Now

Now Closed

今日嚟到一間具香港代表性的傳統茶樓，帶我回到童年時嘅回憶。除咗點心，佢地嘅懷舊菜式都好值得一試。家鄉煎釀鯪魚我媽好鍾意食魚，但又怕食到魚骨，呢款菜式一早將魚肉與骨分離，再把魚肉做成魚蓉，再重新釀入魚皮，保留完整魚形。每一口都啖啖肉，鮮味又彈牙，滿足埋口感。雞蛋焗魚腸知道呢個工序多，係屋企基本上不會自己整。魚腸處理得好，完全食唔到有腥味，帶有陳皮香，入口甘香滑溜，雞蛋焗到金黃色，厚身又不老。金錢雞原來不是雞。。。平時又係好少見，我覺得口感似叉燒，味道似雞肝。侍應話原來係將雞肝、肥肉、瘦肉串在一起，再用叉燒汁慢火燒制，呢款菜式即將失傳，侍應話有呢款菜式就要叫。西米布甸要提早預留。啖啖奶黃香，西米軟糯，內裏仲有小驚喜-栗蓉，又夠新鮮熱辣，難以抗拒。