Video
Read full review
2021-09-02
99 views
流水蝦 (觀塘)位於觀塘工業大廈入面嘅餐廳，提供晚市2.5小時放題，有無限生猛大頭蝦供應，夾出嚟仲識扎扎跳，即夹即燒，店員會比一桶冰你，夾出嚟嘅蝦要放落去冰先，等佢死咗再燒。蝦肉比起出邊嘅急凍蝦更爽口，仲有蝦子蝦膏！ 可以一邊玩一邊食！每位成人仲送一客海鮮船及美國Prime級牛肉。海鮮船有鮑魚、扇貝、白鱔、蜆等等都係有海水味，唔使調味都得。美國牛肉脂肪分布平均，牛味濃。除咗呢幾款嘢食之外，仲可以喺自助區攞各式海鮮，肉類同蔬菜，種類都算幾多。另外仲有沙律，熟食，炸物，湯喺另外一邊櫃，不過我就冇點食啦。最後梗係要食水果，甜品，馬卡龍味道都唔錯。5:00至7:30有早鳥優惠收費比較平，如果唔想等位最好book左位先！人均： $200-300📍觀塘開源道47號凱源工業大廈1樓B號舖
位於觀塘工業大廈入面嘅餐廳，提供晚市2.5小時放題，有無限生猛大頭蝦供應，夾出嚟仲識扎扎跳，即夹即燒，店員會比一桶冰你，夾出嚟嘅蝦要放落去冰先，等佢死咗再燒。蝦肉比起出邊嘅急凍蝦更爽口，仲有蝦子蝦膏！ 可以一邊玩一邊食！
每位成人仲送一客海鮮船及美國Prime級牛肉。海鮮船有鮑魚、扇貝、白鱔、蜆等等都係有海水味，唔使調味都得。美國牛肉脂肪分布平均，牛味濃。
除咗呢幾款嘢食之外，仲可以喺自助區攞各式海鮮，肉類同蔬菜，種類都算幾多。另外仲有沙律，熟食，炸物，湯喺另外一邊櫃，不過我就冇點食啦。最後梗係要食水果，甜品，馬卡龍味道都唔錯。
5:00至7:30有早鳥優惠收費比較平，如果唔想等位最好book左位先！
人均： $200-300
📍觀塘開源道47號凱源工業大廈1樓B號舖
Post
