Video
Read full review
2024-05-09
61 views
鋿晶館主打精緻點心、特式蒸飯、養生燉湯、港式炒粉麵飯同廣東鑊氣小炒。點心店黎計，款式真係應有盡有。上網睇到介紹，呢到嘅師傅曾經喺日本東京富麗華工作左幾年，專係服務高管達人同明星，返黎港之後喺好幾間間米芝蓮酒店同大型連鎖酒樓集團做過主管，中式餐飲經驗豐富。 鋿晶館所有點心標榜現場即點即做，絕非好似部分大型集團咁由工場生產。除此之外，佢啲湯水同小炒都係現場出品，真真正正自家製品牌。 花膠螺頭燉赤肉湯 ($82) 花膠大大塊非常足料，湯好濃好鮮味而且完全無落味精，全靠材料本身嘅味道。 川芎白芷天麻燉班骨湯 ($58) 呢個湯好適合經常頭痛同養生嘅朋友飲。雖然用上魚骨，但完全無腥味，味道好好。 月半彎晶瑩鮮蝦餃(2粒) ($22) 薄薄嘅皮包住大大隻鮮蝦，蝦肉好彈牙好香。 黑松露北菇燒賣王(2粒) ($20) 燒賣王大大粒，黑松露味好香，豬肉同北菇用料好好。 剁椒蒸魚頭腩 ($49) 一個點心有齊魚頭同魚腩，味道辣辣地，將魚嘅鮮味吊晒出黎。 百花炸釀蟹箝(3隻) ($62) 呢個炸蟹箝真係泊得住大酒樓水準，外脆內軟，炸完仲可以保持住蝦膠爽滑彈牙。 油泡翡翠鮮斑球 ($168)
鋿晶館所有點心標榜現場即點即做，絕非好似部分大型集團咁由工場生產。除此之外，佢啲湯水同小炒都係現場出品，真真正正自家製品牌。
花膠螺頭燉赤肉湯 ($82)
花膠大大塊非常足料，湯好濃好鮮味而且完全無落味精，全靠材料本身嘅味道。
川芎白芷天麻燉班骨湯 ($58)
呢個湯好適合經常頭痛同養生嘅朋友飲。雖然用上魚骨，但完全無腥味，味道好好。
月半彎晶瑩鮮蝦餃(2粒) ($22)
薄薄嘅皮包住大大隻鮮蝦，蝦肉好彈牙好香。
黑松露北菇燒賣王(2粒) ($20)
燒賣王大大粒，黑松露味好香，豬肉同北菇用料好好。
剁椒蒸魚頭腩 ($49)
一個點心有齊魚頭同魚腩，味道辣辣地，將魚嘅鮮味吊晒出黎。
百花炸釀蟹箝(3隻) ($62)
呢個炸蟹箝真係泊得住大酒樓水準，外脆內軟，炸完仲可以保持住蝦膠爽滑彈牙。
油泡翡翠鮮斑球 ($168)
斑片好新鮮，魚皮位置有厚厚嘅骨膠原，斑片有成7至8塊，而且每塊都係厚切。
沙茶安格斯牛肉粉絲煲 ($138)
沙茶味好香，非常惹味，牛肉用上比較靚嘅安格斯牛肉，脂肪同肉比例岩岩好，入口好滑身。有大量粉絲同金菇墊底，吸晒沙茶汁，勁好味。
豉汁欖角鱔片飯 ($79)
鱔片油脂豐富，新鮮彈牙，鮮嫩嘅口感配上豆豉非常惹味。飯底用荷葉包住，好香荷葉同蒜蓉味。
羅漢果雛菊茶 ($22)（左） / 薏米檸檬水 ($22) （右）
呢到嘅特式飲料都係餐廳自己煲，絕無添加。羅漢果茶少少甜，好岩食完小炒同炸野之後飲，飲完所有熱氣感都即時無晒。薏米檸檬水好解渴，好適合健康人士。
Post
