放工想搵個地方chill下、飲返杯，呢間最近喺銅鑼灣爆紅嘅「人生有限杯」絕對要bookmark🍢✨一入門就感受到濃濃居酒屋氣氛，木系裝潢加上師傅即席燒烤嘅香氣，令人即刻放鬆心情。最近餐廳仲推出咗全新餐單，有好多款嶄新又有創意嘅特色料理，無論係味道定擺盤都見到心思，而且價錢仲非常親民，性價比超高🫶
𝐁𝐮𝐛𝐮推介🔥
👍 鹽燒雞腿肉串
簡單就係最好。雞腿肉燒得外皮微脆、內裏juicy，鹽味啱啱好，唔搶味反而更突顯雞肉嘅鮮味。
👍 焦糖菠蘿鵝肝醬多士
呢個真係必試‼️ 一上枱已經俾佢嘅賣相吸引住。鵝肝醬幼滑香濃，面頭放咗焦糖燒過嘅菠蘿，酸酸甜甜中和咗鵝肝嘅油香，放喺香脆多士上，一啖咬落層次豐富，齒頰留香。
👍 蟹粉日式豆腐
創意十足✨ 炸得金黃酥脆嘅豆腐，外脆內嫩，底下鋪滿濃郁蟹粉醬，味道鮮香撲鼻。用匙羹撈埋蟹粉醬一齊食，真係會食到唔捨得停口。呢個絕對係我今次最大驚喜！
📍 人生有限杯.串燒店
銅鑼灣登龍街28號永光中心15樓
