令酒場 (Closed)

又到星期五，當然要食好西開心吓！呢間日式居酒屋係樓上鋪，坐得幾舒服同唔算好噪，服務態度幾好，主動加茶👍🏻令迷你三重丼好可愛，集合三款最受歡迎的食材:三文魚籽、吞拿魚蓉、海膽，全部好新鮮、鮮甜！榨菜芝士福袋聽落好似好奇怪，但食落係好特別的味道，福袋其實係豆卜，榨菜有少少辣，芝士增添鹹香，值得一試的小食。A4和牛串、牛肋肉串啲牛幾高質，重牛味，而且燒的時間掌握得啱啱好，唔會好鞋，我自己鐘意A4和牛，因為油脂豐富啲，仲見到霜降的紋路添～蟹甲羅燒差唔多每台都有叫，果然照跟就冇錯！蟹肉真係超多，塗完4塊麵包都仲有剩，廚師落足料，蟹膏不會好鹹，味道不錯。日本免治雞肉串咬下去彈牙之餘，仲食到好似雞軟骨的軟骨，口感幾過癮，再加上美味的月見汁，跟足日式傳統食法～朱古力窩夫似朱古力雪糕三文治🥪窩夫都係朱古力味，我自己就喜歡蛋香味的窩夫，如果係朱古力控，應該會喜歡這款double chocolate 甜品~焦糖脆皮菠蘿菠蘿上有塊脆卜卜的焦糖脆片，令到菠蘿甜到入心！