Video
Read full review
2022-08-28
626 views
👍🏻韓風戲院小食盒 $1088月頭新出嘅Item！包括兩款自選熱狗棒、香腸年糕串、滋味波拼盤同初雪薯片😎-🔸芝士脆薯炸熱狗Signature基本款！熱狗棒即叫即整熱辣辣，係外層痴住薯仔粒個種咬開係一半芝士、一半腸仔，芝士係拉絲的😛可以揀配茄汁+芥末或者BBQ醬+芥末揀咗BBQ醬+芥末，酸酸甜甜，汁量正常不過始終有醬，食落冇火辣初雪熱狗咁脆口-🔸火辣初雪炸熱狗熱辣辣好脆口！面頭灑滿辣粉，辣度刺激估佢唔到🤪熱狗棒一樣係外層痴住薯仔粒，內裏一半拉絲芝士、一半腸仔除咗辣粉仲灑咗少少砂糖，甜甜辣辣食完個咀會㷫烚烚咁，鍾意食辣嘅朋友可一試😜-🔸香腸年糕串腸仔同年糕表面都係微微脆，搽上甜辣醬，辣度溫和年糕夠煙韌，整體味道正常發揮-🔸滋味波拼盤一共有四款唔同內餡嘅波波，每粒都幾有驚喜😙包括芝士波、朱古力波、牛奶波同芝士通心粉波表面脆卜卜，咬落煙煙韌韌好似麻糬咁-🔸初雪薯片薯片係直接用薯仔切片拎去炸，薯味重，比較厚身，脆卜卜又唔會好油膩面頭灑上大量芝士粉，鹹鹹地幾好食，灑得均勻啲就仲好-味道：7/10性價比：7/10-👌🏻脆墨蝦博士吐司 (增量蔬菜) $63蝦餅口感雖然比較腍身，但都食到蝦肉下層仲有三粒
8月頭新出嘅Item！包括兩款自選熱狗棒、香腸年糕串、滋味波拼盤同初雪薯片😎
-
🔸芝士脆薯炸熱狗
Signature基本款！熱狗棒即叫即整熱辣辣，係外層痴住薯仔粒個種
咬開係一半芝士、一半腸仔，芝士係拉絲的😛
可以揀配茄汁+芥末或者BBQ醬+芥末
揀咗BBQ醬+芥末，酸酸甜甜，汁量正常
不過始終有醬，食落冇火辣初雪熱狗咁脆口
-
🔸火辣初雪炸熱狗
熱辣辣好脆口！面頭灑滿辣粉，辣度刺激估佢唔到🤪
熱狗棒一樣係外層痴住薯仔粒，內裏一半拉絲芝士、一半腸仔
除咗辣粉仲灑咗少少砂糖，甜甜辣辣
食完個咀會㷫烚烚咁，鍾意食辣嘅朋友可一試😜
-
🔸香腸年糕串
腸仔同年糕表面都係微微脆，搽上甜辣醬，辣度溫和
年糕夠煙韌，整體味道正常發揮
-
🔸滋味波拼盤
一共有四款唔同內餡嘅波波，每粒都幾有驚喜😙
包括芝士波、朱古力波、牛奶波同芝士通心粉波
表面脆卜卜，咬落煙煙韌韌好似麻糬咁
-
🔸初雪薯片
薯片係直接用薯仔切片拎去炸，薯味重，比較厚身，脆卜卜又唔會好油膩
面頭灑上大量芝士粉，鹹鹹地幾好食，灑得均勻啲就仲好
-
味道：7/10
性價比：7/10
-
👌🏻脆墨蝦博士吐司 (增量蔬菜) $63
蝦餅口感雖然比較腍身，但都食到蝦肉
下層仲有三粒炸墨魚粒，墨魚唔算好彈牙但墨魚味幾香😬
醬汁係蜜糖芥末醬，甜甜地咁
可惜兩款炸物都比啲醬汁搞到唔脆🥺
配料仲有粟米煎蛋餅同半溶芝士
加咗$6有生菜、蕃茄同椰菜絲，口感豐富啲
多士好香蜜糖牛油味，但脆口啲會更好
味道：6/10
性價比：6/10
-
👌🏻香脆炸雞吐司 (增量蔬菜) $63
呢款比較一般，炸雞外皮一樣係腍晒，好扣分
肉質就正常發揮，但炸雞份量亦都唔多
醬汁係芥末醬+甜辣醬
想食嘅話都係推薦另一款多啲😐
味道：5/10
性價比：5/10
-
👍🏻士多啤梨乳酪特飲(跟餐) +$19
酸酸地甜度合理，味道自然濃郁，仲咬到士多啤梨籽
沙冰夠凍解暑，食完咁油膩嘅炸嘢飲番杯真係幾爽🤩
味道：7/10
性價比：7/10
-
👌🏻朱古力奶昔(跟餐) +$16
呢個就麻麻哋，無論係朱古力味定係奶味都太淡，飲返佢哋啲沙冰好啲😂
味道：5/10
性價比：6/10
-
📍#SoulFoodTruck @soulfoodtruck_hk @toast_luck
銅鑼灣軒尼詩道500號希慎廣場11樓1104號舖
旺角亞皆老街8號朗豪坊4樓F1號舖
Post
