The Steam Hut

點心可以有幾好食？呢間即叫即整，落足料，我服！

1.花膠蟲草花粟子燉土雞湯

花膠蟲草花粟子燉土雞湯

$55

個湯有咩料，睇標題就知，唔使多講。個湯名有嘅，都真係有，冇呃你。蟲草花超多，土雞雞肉超級出奇地香！見落左好多杞子，紅棗，令湯香濃得黎又清甜。真係貨真價實超足料，湯又勁熱。不過略嫌甜左d

2.蟹籽燒賣皇

蟹籽燒賣皇

$20

燒賣好大粒，大過酒樓食。每粒打得肉質夠結實，好飽滿，口感味道一流！

3.鮮蝦菜苗餃

鮮蝦菜苗餃

$28

菜苗塞得好滿，好有菜味又唔會有渣，蝦大大隻又爽口。皮唔算薄，但我鍾意:)味道一樣好好。

4.瑤柱蝦米煎腸粉

瑤柱蝦米煎腸粉

$28

落左好多蔥同蝦米，加上真係即叫即煎，食落口仲係好熱，更加香口。不過就唔多覺有瑤柱。同埋本身腸粉完全冇味，係要點甜醬。

5.增城蔗糖馬蹄糕

增城蔗糖馬蹄糕

$16

出面食馬蹄糕邊可能見到咁大粒馬蹄，唔使講，足料程度何等佛心。蔗糖味香糖，食完之前幾款鹹點食返甜野令口味恢復清新，好正。

普洱好好飲，好消滯。茶錢只係$4/位，仲唔使加一服務費，真夠良心吧！

雖然位置較細唔會坐得好舒服，但勝價比高呢！