我叫左一份經典牛肉漢堡同埋套餐，漢堡加煎蛋加生菜，套餐就要蕃薯條加芝士，飲椰子水，另外再加多左一份蜜糖雞翼。
所有餐點都係即叫即做，大概等左15分鐘左右，就成份餐點俾到我手上。個外賣盒好似一個蛋糕盒咁，入面除左有我叫既野食外，仲另外附上一對膠手套。
😋漢堡份量大、足料。麵包煙韌，煎蛋唔會太生太熟，咬落去仲有流心；牛肉厚實，味道不俗；生菜好多塊，堆到個漢堡好高，搞到唔可以一口咬晒成個包。😝
蕃薯條拎到番屋企都仲脆脆地，食落香甜，除左附送既蕃茄醬之外，配搭芝士醬一咸一甜都幾滋味。👍🏻👍🏻
蜜糖蒜香雞翼有5隻，整體上唔太甜，少少既蜜糖香味配搭蒜頭香味，食落唔膩。
整體而言今次用餐體驗唔錯，絕對會有第二次。🥰🥰
