所以見到有間新店開張嘅蘭州拉麵店，
梗係要黎試下啦！😏
雖然新張試業，
但生意不錯啊！
可能因為從門外嘅玻璃櫥窗便見到師傅即拉即煮拉麵，功架十足，好吸睛！👀
師傅都是來自國內的，
希望可以帶到正宗蘭州拉麵比食客！
正宗嘅蘭州拉麵要有「 一清、二白、三紅、四綠、五黃 」，
清即湯要清，白即蘿蔔，紅即辣椒油，綠即香菜，黃即麵條。
淨講拉麵品種已經有超過10種！😯
有幼身嘅，有粗身嘅，有幼滑嘅，有彈牙嘅。
東方宮蘭州牛肉拉麵（$58）
牛肉清湯清醇濃郁，牛肉入味，
傳統蘭州牛肉麵嘅牛肉會比較薄，
不過份量都不少，爽滑適中，
麵條要左二細麵，
爽彈有嚼勁！👍🏻
滷蛋都幾入味。
傳統紅燒牛肉拉麵（$58）
牛腱肉切粒，煮得軟腍入味，
入口麻香，但不算很辣，
配上薄又寬身嘅薄寬麵，都幾掛湯，不錯！
蘭州拉麵一定要食羊排！
呢到嘅羊有烤或煮，
小編怕熱氣，所以揀左煮～
🌟推薦❗️東方宮手抓羊排（半份）（$98）
無諗過涮羊排咁好食！😍
外皮煙韌，肥瘦適中，
鮮嫩多汁，厚肉，肉香四溢！
唔洗蘸醬料，原汁原味，已經夠晒好味道！
1
小編推薦一定要試蘭州特色嘅油泡辣椒油！🌶
入口先香到辣，蒜香花椒味濃郁，
和麵和羊肉一起吃，一流！☺️
