漁釧 (將軍澳中心) (Closed)

吞拿魚好多人都食過，一般都係急凍空運再解凍處理。今次專登過嚟試由九洲直運，冇急凍，廿四小時內已經運到香港嘅新鮮吞拿魚。留意到餐廳IG就知道邊日會有新鮮藍鰭鮪魚到。係當晚就可以食到即時鮮劏超新鮮吞拿魚刺身。晚餐之前仲有解魚表演可以睇，主廚將成條80kg嘅吞拿魚，分成唔同部位，仲可以即刻試到切出嚟嘅赤身。講返個餐本身，包咗一瓶日本酒，前菜有酸麵豉吞拿魚粒醒一醒胃，又有炙燒吞拿蔬菜卷。之後主菜就係大拖羅、中拖羅、赤身刺身，仲有壽司三點。最後仲有豚腩烏冬同埋雪糕添。吞拿魚真係好新鮮，冇腥味之餘仲有啲甜味添。另外，仲叫咗海蝦天婦羅、串燒、仲有香芒大蝦卷，大蝦卷隻大蝦真係好大隻。呢度啱曬我呢啲鍾意食日本野嘅人，下次都會試吓其他嘢。