龍驤 (Closed)

龍驤極上魚生丼($308)，共有六款食材，魚生新鮮，魚既油脂香味濃，而且厚切食落有質感，米飯亦都唔馬虎，加入左醋，飯與飯之間帶有黏性。龍驤極上刺身($328)，食材同魚生丼飯既魚生是一樣，但好味既魚生就算一食再食都唔會膩，而且有我至愛既牡丹蝦，黏黏既口感好正。冷烏冬，質感煙韌，涼涼地食落好舒暢。鐵板燒帆立貝，燒得岩岩好，表面有焦香，內裏熱辣辣，配埋店鋪自家醬汁味道唔錯。鐵板燒海中蝦，蝦夠大隻啖啖肉，肉質彈牙。鐵板燒廣島蠔，蠔既鮮味夠突出。鐵板燒鵝肝多士(跟餐追加$98)，鵝肝飽滿肥大，入口溶化，油脂既餘韻香味停留口腔一段時間，底層麵包可以吸收埋鵝肝醬汁和油脂，絕對不能錯過。手工秘傳雞皮蝦($68)，用雞皮包住蝦再去燒，外層雞皮鹹香脆口，內裏食到啖啖蝦肉。牛脷($58)，黑椒配牛脷我覺得係絕配，牛脷爽口彈牙。免治雞肉棒($48)，雞肉棒配上蛋汁，食起上黎更加滑溜，有粒粒爽口雞軟骨混合雞肉內，口感層次豐富。