卡邦尼小館 (Closed)

今日去容鳳書睇中醫, 睇完出黎經過呢間卡邦尼, 見裡面環境唔錯, 午餐有好多選擇價錢最平既都只係$38, 於是決定入去試吓, 可能係地點比較偏僻, 午餐時間唔係太多客, 座位都幾舒唔係好迫。我揀咗個香茅豬頸肉飯$48, 啲豬頸肉整得幾好味, 不過個汁唔好味, 我點咗一舊豬頸肉食就無再點, 個飯唔係白飯係油飯, 都幾好味。我老公揀咗個豬扒餐跟茨菜都係$48, 有2大塊豬扒幾抵食, 而且肉質好林又整得幾好味。 啲薯條係連皮既, 我病緊所以無試, 不過我老公話唔錯。午餐係包一個湯、蒜蓉包同餐茶, 不過唔記影相。 個南瓜忌廉湯味味道OK, 不過份量好少, 只有個湯碗既三份一滿, 蒜蓉包可能落太多牛油, 油淋淋, 一啲都唔好食。以午餐黎講, 價錢唔貴又坐得舒服, 而且午餐係不收加一服務费, 有機會會再黎食, 不過最好唔係因為又黎睇中醫啦。