首先嚟個卜卜蜆煲，蜆肉飽滿鮮甜，冇沙！味道少少辣，香料好惹味，食到停唔到口，明知仲有好多嘢食我地都忍唔住refill咗一次😂
本地手切牛頸脊，色澤亮麗，新鮮！肉質嫩滑彈牙，牛味濃郁！放落卜卜蜆煲，更突顯鮮味！
之後雞煲有兩款味道可以揀，分別係招牌惡魔雞煲/黃燜雞煲，我哋鍾意食辣，揀咗招牌惡魔雞煲😋
香辣之餘，麻香十足！雞肉好入味！
最開心係，呢到仲有串燒食！
有34款串燒，仲有8款海鮮串燒都係任食！
串燒每串都熱辣辣，面層撒上好香嘅孜然粉，仲可以揀辣同唔辣！
食夠卜卜蜆同雞煲，就可以開始打邊爐喇！
除咗可以用雞煲加湯，另外仲有八款湯底可以選擇！
火鍋配料自助，有多款蔬菜，菇類，丸腸，肉類，仲有炸枝竹，響鈴，炸魚皮。
飲品方面除咗有罐裝飲品，竟然仲有台式飲品！本身一開始都怕台式飲品會伏😂叫咗杯奶蓋紅茶試試，點知味道唔錯喎！飲完仲再encore添！
