KOKO Coffee Roasters

Open Now

Now Closed

今日同朋友來南豐紗廠行下，去左朋友推介的呢間咖啡店，這店裝修都好有特色，以工業風為主，座位和環境都好舒適。咖啡真係必叫，的確高質！而餐點亦都不錯。.滋味炸物分享盤有5款炸物，分別有雞中翼、炸雞柳、炸芝士粒、薯條及番薯條，每款都不少，份量十足，都幾抵食呀！全部新鮮炸起熱辣辣，我個人最鍾意佢個炸番薯條和炸芝士粒，前者外脆內軟，入面滿滿番薯蓉；炸芝士粒入面有濃濃的流心芝士。.意大利紅醬虎蝦帶子意粉意粉煮得剛剛好，口感彈牙，如果個紅醬再濃味d就更好，上面有大大隻虎蝦，食落啖啖肉，蝦頭仲有少少膏，帶子大大粒煎到兩面金黃，還有三隻蜆都好新鮮。.Mocha vodka 呢個真係幾好飲，咖啡的拉花好美，而且咖啡味香濃，加上有少少酒味，係不錯的組合。.Iced homemade lemonade 酸度岩岩好，飲完可以解膩，好適合夏天。